23.04.2024, 15:21 130
- 109 ildir "türklər bizi soyqırımı edib" deyərək vay-şivən salaraq dünyanın ovqatını pozmağa cəhd edən daşnaklar indi də baş nazir Nikol Paşinyanın qarasına danışmağa başlayıblar. Özü də elə şeylər deyirlər ki, adam az qalır boğazlarından yapışıb desin ki, ara, rus demiş nadoel, yəni zəhlə tökdün, amma bilirsən ki, xeyri yoxdur, dediyini deyəcək və həm də bu dəfə lap bərkdən ağlayacaq. Fransa isə tez bağıracaq ki, ay haray, qoymayın hay bacım boğulur.
Bax həmin daşnakların bürosu bu gün "bəyanat" adı verdiyi bir cızma-qarada vay-şivən salıb ki, sabah – aprelin 24-ü "soyqırım" günüdür. Sonra da başlayıb Nikolun ünvanına daş atmağa ki, Nikol "soyqırım"ı faktiki tanımır. Deyir ki, o vaxt qarışıqlıq olub, kim kimdən xoşlanmayıbsa öldürüb, bu işdə türk hökumətinin günahı yoxdur. Gərək bunu bütün haylar hər iki qulağında sırğa eləsin. İndi bu Daşnaklar Nikolun 7 arxa dönəninə söyürlər ki, gərək elə deməyə idin. Nikol isə deyir ki, olanı demişəm da, bə, nə vəlvələyə düşürsüz. Həmin bu Daşnaklar əmindirlər ki, Nikol konstitusiyada da dəyişiklik edib qonşularla normal yaşamaq istəyir. Ona görə də vəlvələyə düşüblər ki, onu tez istefaya göndərsinlər. Amma bunu görməyəcəklər.
Nəsib
