• Artıq bir neçə ildir ki, Azərbaycanla Ermənistan arasında sülh müqaviləsinin imzalanması  dəfələrlə müzakirə olunsa da,  Ermənistan tərəfi yalnız sözdə sülhə hazır olduğunu bildirir.  Lakin proseslərin icrası məsələsində Ermənistandan başqa addımları görürük. İrəvanın mövqeyi, havadarlarına arxalanaraq zaman-zaman törətdiyi hərbi-siyasi təxribatlar sülh sazişinin imzalanmasının qarşısını alır. Bəs görəsən, mövcud reallıqları nəzərə alaraq, 2025-ci ildə Azərbaycanla Ermənistan arasında sülh müqaviləsinin imzalanması gözləniləndirmi?

Ekspertlər məsələyə münasibətlərini açıqlamalarında şəhr ediblər.   

Millət vəkili, Arzu Nağıyev:

-Ermənistan ciddi iqtisadi-siyasi və hərbi baxımdan addımlar atmalıdır. Onlar bu addımları atsa, düşünürəm ki, sülh də bərqərar olar. bir daha qeyd edirəm ki, biz diqtə edən tərəfik, qalib tərəfik. Ortada sənədlər var, ortada görüşlər var. Delimitasiya, demarkasiya olunmuş  təxminən 13 kilometr ərazi, bundan sonra  5 yüz kilometr də var və buna görə də Ermənistan o addımları atmalıdır. Azərbaycan-Ermənistan sərhədində erməni tərəfdən Avropanın viziual kəşfiyyatçıları yerləşdirilir. Eyni zamanda silah-sursat yerləşdirilir.Təhlükəsizliklə bağlı müdafiə təhlükəsizlik büdcəsi 1,7 milyard dollardan çoxdur. Lakin burda Avropadan və digər istiqamətdən alınan silahların qiyməti göstərilmir. Yəni bu məsələ mütləq şəkildə onu göstərir ki, sülhün  bərqərar olması istiqamətində Ermənistan tərəfi ciddi addım atmaq istəmirlər.

Fransa və Hindistan kimi ölkələrdən hücum silahlarının  alınması, atəşkəs rejiminin Ermənistan tərəfindən  tez-tez pozulması  İrəvanın sülh istəməsindən çox, revanş haqqında  düşünməsindən xəbər verir.

Millət vəkili, Elman Nəsirov:

-Ermənistanın baş nazirinin son davranışları və son çıxışları belə qənaətə gəlməyə əsas verir ki, cənab Prezidentin irəli sürdüyü bu məsələlərlə də bağlı qarşı tərəfin mövqeyində yumuşalma var və hətta COB29-a qədər Ermənistan-Azərbaycan arasıında sülh müqaviləsinin imzalanacağına inam hasil olmuşdur. Əslində Ermənistanın siyasi rəhbərliyi müstəqil  mövqeyə malik deyil. Ona hansı təlimat verilirsə və  xüsusilə də Fransadan hansı məlumat gəlirsə, onun əsasında  fəaliyyət göstərir”.

Elman Nəsirov daha sonra əlavə edib ki, bu silah sərgiyə qoyulmaq üçün deyil. Bu silahın bir gün tətbiqi olmalıdır. Bir gün tətbiq olmadısa, bu, artıq üçüncü Qarabağ müharibəsi deməkdir: “Ermənistan doğrudanmı növbəti biabırçı məğlubiyyət istəyir? Faciəvi bir məğlubiyyət istəyir?

Gör kiminlə, hansı dövlətlə onlar silah yarışına girmək istəyir.

Qeyd edək ki, Avropa İttifaqının müşahidə missiyasının  hələ də ərazidə olması, Ermənistan baş nazirinin  bu gün verdiyi vədləri sabah özünün təkzib etməsi  İərəvanın sülhdə maraqlı olmadığının göstəricisidir. Heç şübhəsiz ki,  sülh də daha çox elə Ermənistana lazımdır. Odur ki, yaşamaq və məhv olmaq istiqamətində seçimi də İrəvan etməlidir.

Tahirə AĞAMİRZƏ