• Qərbin Azərbaycanda illərdir pozuculuq fəaliyyəti ilə məşğul olması heç kimə sirr deyil. ABŞ, Avropa, Fransa, Almaniya, Liderland, təəssüf ki, Polşa bu kimi ölkələrin nə verib ala bilmədikləri var bizimlə, Azərbaycanla?! Niyə bu dövlətlər xüsusi təşkilatlarının vasitəsilə dövlətimizin apardığı siyasətə əngəl törətməyə çalışırlar?

Xüsusi təşkilatlar dedikdə, həm də xarici QHT-lər nəzərdə tutulur. Ümumi olaraq Qərb adlandırdığımız bu ölkələr QHT-ləri maliyyələşdirir, həmin QHT-lər də  müxtəlif şəxslərə, media orqanlarına qrantlar ayırır və dövlətimizin üzərinə göndərirlər. “Mikraskob media”, “Abzas-media”, “Toplum TV” və “Meydan TV” və bu kimi media ünsürlərinin fəaliyyəti Azərbaycan daxilində pozuculuqla məşğul olmaq, dövlətin apardığı siyasəti Azərbaycan daxilində pozuçuluqla məşğul olmaq, dövlətin apardığı sosial siyasətə ləkə yaxmaq və bununla da dövlətimizin imicinə xələl gətirməkdir. 2020-ci ilədək bu dairələrin məqsədi Azərbaycanı Qarabağ hədəfindən yayındırmaq idi. Bu məqsədlə onlar vaxtilə Leyla Yunus, və Arif  Yunus kimiləri vasitəsilə kampaniyalar aparıb cəmiyyətdə süni passivizm toxumu səpirdilər. Lakin onlar istədiklərinə nail ola bilmədilər. Biz həm bu silahsız düşmənələrə, həm də silahlı düşmənlərə qalib gəldik və 2020-ci ildə Böyük Zəfər qazandıq. Lakin yenə də bizə qarşı hücumlar dayanmadı. Əksinə, zəfərimizi həzm edə bilmədikləri üçün hücumlar daha kəskin hal aldı. Fransa xüsusi xidmət orqanları əsasən Fransa və Almaniyada yerləşən informasiya təxribatçıları hesab olunan yotube kanalları vasitəsilə hücumlarını kəskinləşdirdilər.  Ermənistan xüsusi xidmət orqanları Azərbaycan sosial-media və media sqmentini təhlil edir və  materiallar torplayır və Fransa vasitəsilə  həmin şəxslərə ötürülür.

“Ayrı-ayrı güc mərkəzlərinin, xüsusi xidmət orqanlarının sifarişlərini, təlimatlarını icra edən şəxslər tapılır. Onlar əsasən xaricdə informasiya təbliğatı ilə məşğul olur. Hibrit kontekstdə ölkəmizə qarşı hücumlar təşkil edir. Müxtəlif toplantılarda, konfranslarda ölkəmiz əleyhinə məkrli planların alətinə çevirlirlər”. Bu sözləri politoloq İlyas Hüseynov mətbuata açıqlamasında deyib. O, əlavə edib ki, əlbəttə, burada da maliyyə mənbəyi Qərb valyutası, Qərb  dayağıdır və eyni zamanda yutube sosial şəbəkəsində “Azad söz”, Qənimət Zahid, Sevinc Osman qızı, Məhəməd Mirzəli kimi şəxslər təhqir, böhtan, iftira dolu kampaniyalarını davam etdirirlər: “Eyni zamanda sabiq diplomat  Arif Məmmədov da fəallaşıb və açılan  müxtəlif proqrmlarda bir-birilərini dəvət edərək diskusiyalar təşkil edirlər. Məqsəd ictimaiyyəti çaşdırmaq,  səhv yönə istiqamətləndirmək və bununla öz havadarlarının verdiyi tapşırıqları icra etməkdir”.

Təbii ki, bütün bu hücumlar dövlətimizin  Xüsusi Xidmət Orqanları tərəfindən dəf edilir və qarşısı alınır. Burda vəzifə təkcə dövlətin üzərinə düşmür.  Cəmiyyətimiz və media da öz üzərində məsuliyyəti dərk etməli və  qaragüruha qarşı mübarizə  aparmalıdır. Hər bir fərd öz  dövlətinin müdafiəsinə qalxmalı, vətəndaşlar vətənsizləri yerinə oturtmalıdır. Çünki  dövlətimizi bu qüvvələrdən qorumaq mahiyyətcə  ermənilərə qarşı Vətənimizin müdafiəsinə qalxmaqdan fərqlənmir.

Tahirə AĞAMİRZƏ