17.04.2023, 17:41 225
Müasir dövrümüzdə hər birimizin qəlbində bir arzu vardı: torpaqlarımızın azad olunması. Bu arzu da zamanında öz həllini tapdı. İgid övladlarımız bu arzunu gerçəkləşdirdi. Elə igid əsgərlərimizdən biri də Elmir Əli oğlu Həsənovdur. Elmir 5 sentyabr 1984-cü ildə Füzuli rayonunun Horadiz qəsəbəsində anadan olmuşdur. Həmin qəsəbədə Mahir Səfərov adına 1 saylı tam orta məktəbdə orta təhsil almışdır. Sonra həqiqi hərbi xidmətə getmiş, Quru Qoşunlarında xidmət etmişdir. Vətən müharibəsində Füzuli, Cəbrayıl, Zəngilan, Qubadlı rayonlarının azad olunmasında fəallıq göstərmişdir. Azərbaycan Respublikası Prezidenti cənab İlham Əliyevin sərəncamı ilə E.Həsənov "Füzulinin azad olunmasına görə", "Cəbrayılın azad olunmasına görə", "Qubadlının azad olunmasına görə", "Zəngilanın azad olunmasına görə", "Cəsur döyüşçü" medalları ilə təltif edilmişdir. Ailəlidir, üçüncü dərəcəli əlildir.
İsa Musayev
