Sözünə sadiqliyini, Vətənə oğul borcunu düşmənə ağır zərbələrlə məhv etməklə Vətənin azadlığı uğrunda şəhidliyi ilə sübut elədi qəhrəmanımız.
Mayor Qasımov Abbas Rza oğlu 1986-cı il martın 17-də Masis rayonunun (Zəngibasar rayonu) Rəhimabad kəndində anadan olmuşdu, 6 yaşı olanda atasını itirən Abbas Qasımov, ailəsi ilə birgə 1988-ci ilin noyabr ayında ermənilər tərəfindən doğma rayonundan deportasiya edilmişdi. Azərbaycana pənah gətirən Qasımovlar ailəsi Binəqədi rayonunda yurd salmışdılar. Abbas Qasımov 1993-2003-cü illərdə Binəqədi rayonunda F.İsgəndərov adına 157 saylı tam orta məktəbdə təhsil, 2003-2007-ci illərdə isə Milli Təhlükəsizlik Nazirliyinin Heydər Əliyev adına Akademiyasında ali təhsil alıb.
Azərbaycan Ordusunun Sərhəd Qoşunlarının mayoru, hərbi pilot Abbas Qasımov 2020-ci ilin sentyabrında başlayan Vətən müharibəsində savaşaraq igidlik nümayiş etdirib. O, sentyabrın 27-də Füzuli istiqamətində gedən döyüşlərdə qəhrəmancasına Şəhid olub. Böyük ehtiram və izdihamla II Fəxri Xiyabanda dəfn edilib.
Mayor Abbas Qasımov ölümündən sonra “Vətən uğrunda”, “Qubadlının azad olunmasına görə” və 3-cü dərəcəli “Vətənə xidmətə görə” medalları ilə təltif edilib.
Şəhidimiz ailəli idi. İki övladı Vətənə əmanətdir.
Tahirə AĞAMİRZƏ