21.02.2023, 12:40 266
Öz təbii mənzərələri, meşələri, bulaqları dağları ilə məşhur olan Laçın rayonu qəhrəman övladları ilə də seçilir. Belə qəhrəman oğullardan biri də Misir Sərdar oğlu Misirovdur. O, 27 avqust 1982 ci ildə Laçında anadan olmuşdur. Misir birinci sinfə Qaraqışlaq kənd məktəbində getmişdir. Laçın rayonu erməni hərbi birləşmələri tərəfindən işğal olunduqdan sonra onun da taleyinə məcburi köçkünlük yazıldı. M.Misirov orta təhsilini başa vurub, Azərbaycan Beynəlxalq Universitetində oxumağa başladı. Ali təhsilini bitirdikdən sonra Laçın rayon Polad Məmmədov adına Qaraqışlaq kənd tam orta məktəbində işləməyə başladı. Həqiqi hərbi xidmətə çağırılmış Misir Quru Qoşunlarında xidmət keçir. 2020-ci ilin 27 sentyabrında başlayan Vətən müharibəsində Füzuli, Xocavənd, Cəbrayıl istiqamətində döyüşlərdə bir zabit kimi əsl qəhrəmanlıq göstərib. Məhz elə buna görə də leytenant Misir Misirov Azərbaycan Respublikasının Prezidenti cənab İlham Əliyevin sərəncamı ilə "Füzulinin azad olunmasına görə", "Cəbrayılın azad olunmasına görə", "Xocavəndin azad olunmasına görə", "Cəsur döyüşçü", "Vətən müharibəsi iştirakçısı" medalları ilə təltif olunmuşdur.
Ailəlidir, üç övladı var.
İsa Musayev
