16.02.2023, 13:00 338
- Bu gün Qərbi Azərbaycandan olan soydaşlarımızın gözləri daha artıq yollara dikilib. On illərlə doğulduğu ana torpağa, yurda həsrət qalan bu insanların doğma ocaqlarına qayıdacaqları günə inamları daha da artıb. Ötən ilin dekabrında Müzəffər Ali Baş Komandan, Prezident İlham Əliyevin Qərbi Azərbaycan İcmasının açılışında bir qrup Qərbi azərbaycanlı ilə görüşməsi soydaşlarımıza güc, inam bəxş edib.
Qərbi azərbaycanlılar bu gün ölkənin hər bir bölgəsində məskunlaşıblar. Müxtəlif illərdə Qərbi Azərbaycandan sürgün olan 3 minə yaxın soydaşımız da, Şəkinin eyniadlı kəndində yaşayır. Onlardan 100 nəfəri 1988-1991-ci illərdə doğma torpaqlarından deportasiya edilənlərdir.
Soydaşlarımız bu günlərdə öz arzu və istəklərini, Vətən həsrətini İctimai Televiziyaya danışıblar.
Dərələyəz mahalından olan Əli Hüseynov deyir ki, ermənilərin ata-baba yurdumuzu tərk etməyimiz üçün başımıza açmadıqları müsibət qalmadı. Qərbi Azərbaycandan sürgünlük bizi doğma torpaqlarımıza, sevdiklərimizə həsrət qoydu.
İslam Hüseynov: 1965-ci ilə qədər kəndimizdə yaşamışıq. Bu hadisələrdə anamı itirmişəm. 1905-ci ildən bir neçə dəfə didərgin düşmüşük. Əvvəlcə Gürcüstana, sonra Salyana gəlmişik...
Surxay Əliyev də, söyləyir ki, ömrü boyu atam əziyyət çəkdi, ev tikdi, mal-dövlətimiz, əziyyətimiz hamısı düşmənə qaldı...
Talıb Quliyevin dediyi kimi, bizim həmişə bircə qayəmiz olub. O da, öz əzəli torpaqlarımıza qayıtmaqdır. Yolumuz açıq olsun!
Mina RƏŞİD
