30.11.2025, 06:40
AZ EN
05.11.2025, 15:40 225

“Konstitusiya və Suverenlik İli”nə həsr olunmuş “Fərqliliyin rəngi” adlı festival keçirilib

XƏBƏRLƏR
  • Noyabrın 5-də ölkəmizdə fəaliyyət göstərən müxtəlif dini konfessiyaların nümayəndələrinin iştirakı ilə “Konstitusiya və Suverenlik İli”nə həsr olunmuş “Fərqliliyin rəngi” adlı festival keçirilib.

Tədbirdə Qafqaz Müsəlmanları İdarəsi, Rus Pravoslav Kilsəsinin Bakı və Azərbaycan Yeparxiyası, Bakı şəhəri Dağ Yəhudiləri dini icması, Sefarad Yəhudilərinin Bakı dini icması, Avropa Yəhudilərinin Bakı dini icması, Roma Katolik Kilsəsinin Apostol Prefekturası, Azərbaycan Bibliya Cəmiyyəti, Azərbaycan Bəhailəri Dini Mərkəzi, Alban-Udi Xristian, Krişna Şüuru, Gürcü pravoslav və Molokan-ruhani-xristian dini icması daxil olmaqla 33 dini qurum iştirak edib.

Festival çərçivəsində dini qurumların fəaliyyətini, dini ənənə və dəyərlərini əks etdirən fotostendlər, ədəbiyyat, geyim nümunələri, əl işləri, eləcə də digər dini məzmunlu materiallardan ibarət sərgilər fəaliyyət göstərib.

"Fərqliliyin rəngi" festivalında müxtəlif dini icmaların mədəniyyətini və adət-ənənələrini əks etdirən bədii hissə nümayiş olunub.

Bədii hissədə İlahiyyat İnstitutunun tələbələri, Xalq artisti Alim Qasımov və Azərbaycanda fəaliyyət göstərən dini icmaların nümayəndələri müxtəlif rəqs və musiqi kompozisiyaları ilə çıxış ediblər.

Rəsmi və bədii hissədən sonra festivalda dini icma nümayəndələrinin birgə dua mərasimi olub.

Tədbir xatirə fotosunun çəkilməsi ilə başa çatıb. (Trend)

Oxşar xəbərlər