20.08.2025, 10:08 124
- Uğur Kərimli mövcud qaydalara əsasən müsabiqədənkənar qaydada Qarabağ Universitetinə qəbul olunmaq üçün Dövlət İmtahan Mərkəzinə müraciət edib.
Uğur Qarabağ Universitetində “Tarix” ixtisası üzrə təhsil almaq istəyir.
Bu barədə məlumatı Qarabağ Universitetinin rektoru Şahin Bayramov verib.
O, Oğuz şəhəri Nail İbrahimli adına 3 nömrəli məktəb-liseyin məzunudur.
Ş.Bayramov bildirib ki, Uğur Respublika Fənn Olimpiadalarında (RFO) “Tarix” fənni üzrə 3 dəfə bürünc medal qazanıb:
"RFO-nun üçqat medalçısı olan Uğur Kərimlini, onun müəllimlərini və valideynlərini təbrik edir, Qarabağ Universitetini seçdiyinə görə yüksək intellektli gəncimizə təşəkkürümüzü bildirir, ona tələbəlik illərində daha böyük uğurlar arzulayırıq.
RFO-da 3 dəfə medal qazanan gəncin Qarabağ Universitetini seçməsi bizi qürurlandırır!".
Tahirə AĞAMİRZƏ
