23.04.2025, 08:25 204
- İşğaldan azad edilmiş ərazilərdə salınan və bərpa edilən yaşayış məntəqələrinə geri qayıdan keçmiş məcburi köçkünlər onlara verilən ev və mənzillərə mülkiyyət hüququnu nə vaxt əldə edə biləcəklər? Bu sual son vaxtlar ictimai müzakirələrdə tez-tez səsləndirilir. Belə ki, hazırda əvvəlki yaşayış yerlərinə köçürülənlərə ev və mənzillər kirayə müqaviləsi ilə verilir.
Əmlak Məsələləri Dövlət Xidmətindən APA-nın sorğusuna cavab olaraq, bildirilib ki, Qaçqınların və Məcburi Köçkünlərin İşləri üzrə Dövlət Komitəsi tərəfindən müvafiq normativ hüquq aktının layihəsi hazırlanıb. Qeyd edilib ki, layihə qüvvəyə mindikdən sonra sözügedən yaşayış sahələri üzərində vətəndaşların hüquqlarının dövlət qeydiyyatının aparılması məsələsinə baxılması təmin ediləcək.
