29.08.2024, 16:09 156
- “Laçın sakini olaraq özümü çox xoşbəxt hiss edirəm ki, ilk dəfə öz doğma yurdumuzda seçkilərdə iştirak edəcəm. Azad edilmiş ərazilərimizdə, Qarabağ torpağında ilk dəfə parlament seçkilərinin keçirilməsi hər birimizdə qürur hissi doğurur”.
Bu sözləri “Seçki 2024” Müstəqil Media Mərkəzinə açıqlamasında “Azərbaycan Qadınlarının Haqlarının Müdafiəsi” İctimai Birliyinin icraçı direktoru İradə Polad deyib.
O bildirib ki, həm laçın sakini, həm bir qeyri-hökumət təşkilatı rəhbəri kimi seçkilərə dəstək olacaq: "Biz Laçında həmrəyliyimizi göstərəcəyik və öz namizədimizə səs verəcəyik. İnanıram ki, böyük qayıdış həyata keçirilən ərazilərdə seçkilər yüksək səviyyədə, insanlarımızın fəal iştirakı ilə baş tutacaq”.
