20.08.2024, 18:00 273
- Azərbaycan Texniki Universitetinin bakalavr tələbəsi, İkinci Qarabağ müharibəsi iştirakçısı Hüseynov Habil “Maryland of university” universitetinin maşın mühəndisliyi ixtisası üzrə magistratura təhsili alacaq.
O, "azedu.az" portalına müsahibəsində bildirib ki, 1998-ci ildə Bakı şəhərində anadan olub. İlyas Əfəndiyev adına Elitar gimzaniyada təhsil aldıqdan sonra 2016-ci ildə Azərbaycan Texniki Universitetinin mexanika mühəndisliyi ixtisasına qəbul olunub. Universiteti bitirdikdən sonra (2020-ci ildə) həqiqi hərbi xidmətə yollanıb. Xidmət müddəti İkinci Vətən müharibəsi dövrünə təsadüf etdiyi üçün döyüşlərdə iştirak edib və “Şuşanın işğaldan azad edilməsi”, “Xocavəndin işğaldan azad edilməsi”, “Füzulinin işğaldan azad edilməsi” və “Vətən müharibəsi iştirakçısı” medalları ilə təltif edilib.
Müharibə bitdikdən sonra 10 dekabr 2020-ci ildə keçirilən Zəfər paradında II ordu korpusunun tərkibində olub. 2021-ci ilin iyul ayında həqiqi hərbi xidməti bitirdikdən iki ay sonra Azərbaycan Respublikası Dövlət Gömrük Komitəsinin Enerji resursları Dəniz nəqliyyatında Baş Gömrük İdarəsinin Bakı Beynəlxalq Ticarət Dəniz Limanında gömrük inspektoru kimi fəaliyyətə başlayıb. Hazırda gömrük xidməti leytenantıdır. Bu il Dövlət Proqramı ilə ABŞ-nın “Maryland of university” universitetində maşın mühəndisliyi üzrə magistraturaya daxil olub.
Mina RƏŞİD
