22.06.2024, 10:52 365
- Bəzən çoxlarına elə gəlirdi ki, Qarabağ mövzusuna gənclərimiz laqeyddir. Onlar heç bu haqda düşünmürlər. Amma 44 günlük Vətən müharibəsində gənclərimizin Qarabağ, Vətən sevdasını bütün xalqımız, nəinki Azərbaycan, bütün dünya gördü igidlərimizin məğrurluğunu, ölümün üzərinə necə yeridiyini. Axı, 30 il idi düşmən dapdağında qalan Vətən də oğullarını gözləyirdi....
Zəfərin bir addımlığında, Şuşanın tam azadlığında şəhidliyin zirvəsinə ucaldı 20 yaşlı qəhrəmanımız...
22 iyun Vətən müharibəsi şəhidi kiçik-leytenant Sadiq Nüsrət oğlu Nəcəflinin doğum günüdür.
Sadiq Nüsrət oğlu Nəcəfli 2000-ci il iyunun 22-də Biləsuvar rayonunun Yuxarı Cürəli kəndində anadan olub.
Heydər Əliyev adına Azərbaycan Ali Hərbi Məktəbinin 4-cü kurs tələbəsi olan kiçik-leytenant Sadiq Nəcəfli Vətən müharibəsi başlayanda könüllü olaraq döyüşə yollanır.
Döyüşün ilk günlərindən Gəncədə əsgərlərə 1 ay təlim keçir və sonra əsgərlərlə birlikdə Cəbrayıl, Füzuli istiqamətində döyüşlərə qatılır.
Kiçik-leytenant Nəcəfli 2020-ci il noyabrın 7-də Şuşa istiqamətində gedən döyüşlərdə qəhrəmancasına şəhidlik zirvəsinə ucalmışdır.
Tahirə AĞAMİRZƏ
