20.01.2024, 19:37 236
- Füzuli rayonunda 20 Yanvar şəhidlərinin xatirəsinə ehtiram əlaməti olaraq şəhər, kənd və qəsəbələrdə Azərbaycanın Dövlət Bayrağı endirilib, 20 Yanvar faciəsinin otuz dördüncü ildönümü ilə əlaqədar tədbir keçirilib.
Anım günü tədbirində rayon icra hakimiyyətinin, hüquq-mühafizə orqanlarının rəhbərləri, şəhid ailələri, qazilər, idarə, müəssisə, təşkilatların kollektivləri və ictimaiyyət nümayəndələri iştirak ediblər. Horadiz şəhərində yerləşən “Qəhrəmanlar Parkı”nda təşkil olunan tədbirdə həzin musiqi sədaları altında 20 Yanvar şəhidlərinin, eləcə də bütün şəhidlərimizin əziz xatirəsi dərin ehtiramla anılıb, şəhidlərin xatirəsinin əbədiləşdirilməsi məqsədilə ucaldılmış abidə kompleksinin önünə tər qərənfillər düzülüb.
Saat 12:00-da rayon ərazisində bir dəqiqəlik sükutla şəhidlərin xatirəsi yad edilib. (AZERTAC)
