10.10.2023, 16:15 251
- Bakı şəhəri Sabunçu rayonu Ramana qəsəbəsində məskunlaşmış Xocalı rayon sakinlərinin səyyar-görüş qəbulu keçirilmişdir.
Xocalı rayon İcra Hakimiyyətinin başçısı Şahmar Usubov 2023-cü ilin okyabr ayında yerlərdə keçirəcəyi qəbul və görüşlərin qrafikinə əsasən 2023-cü il oktyabrın 9-da Bakı şəhəri Sabunçu rayonu Ramana qəsəbəsində müvəqqəti olaraq məskunlaşmış Xocalı rayon sakinlərinin səyyar-görüş qəbulunu keçirmişdir.
Rayon İcra Hakimiyyətinin başçısı Şahmar Usubov səyyar görüşdə sakinlərə ilk öncə Azərbaycan Respublikasının Prezidenti cənab İlham Əliyev tərəfindən aparılan uğurlu daxili və xarici siyasət, eləcə də əhalinin sosial müdafiəsinə və rifah halının yüksəldilməsinə yönəlmiş dövlət qərarları haqqında ətraflı məlumat vermişdir.
Daha sonra qəbulda iştirak edən vətəndaşların müraciətləri dinlənilmiş, onları narahat edən məsələlər Rayon İcra Hakimiyyəti başçısının nəzərinə çatdırılmışdır. Vətəndaşlar tərəfindən qaldırılan məsələlərin qeydiyyatı aparılaraq nəzarətə götürülmüşdür.
Səyyar görüş-qəbulda rayonun idarə, müəssisə və təşkilat nümayəndələri, həmçinin 20 nəfər Xocalı rayon sakini iştirak etmişdir.
Hazırladı: Tahirə AĞAMİRZƏ
