11.07.2023, 19:48 225
44 günlük Vətən müharibəsi tariximizə qızıl hərflərlə yazıldı. Bu qələbədə payı olan igidlərimizdən biri də Mehralı Cahangir oğlu Məcidlidir. Mehralı 31 yanvar 1992-ci ildə Mingəçevir şəhərində anadan olmuşdur. O, Mingəçevir şəhər 19 saylı tam orta məktəbində təhsil almışdır. Orta təhsilini başa vurduqdan sonra həqiqi hərbi xidmətə çağırılmış, Quru Qoşunlarında xidmət etmişdir. Vətən müharibəsi başlayanda M.Məcidli Cəbrayıl, Şuşa, Füzuli, Xocavənd uğrunda gedən döyüşlərdə əsl qəhrəmanlıq göstərmişdir. Şuşa uğrunda gedən döyüşlərdə yaralanmışdır. Azərbaycan Respublikasının Prezidenti cənab İlham Əliyevin sərəncamı ilə ona "Füzulinin azad olunmasına görə", "Cəbrayılın azad olunmasına görə", "Şuşanın azad olunmasına görə", "Xocavəndin azad olunmasına görə" medalları verilmişdir. Qazimiz ailəlidir, II dərəcəli əlildir.
İsa Musayev
