05.01.2023, 12:08 393
- Yola saldığımız 2022-ci ilin ən önəmli hadisələrindən biri və bəlkə də ən birincisi, ilin sonuna yaxın ölkə başçısı Prezident İlham Əliyevin Qərbi Azərbaycan İcmasının inzibati binasının açılışında bir qrup Qərbi Azərbaycan ziyalısı ilə görüşmək oldu. Həmin görüşdə dövlətimizin başçısı Qərbi azərbaycanlıların öz ata-baba yurdlarına qayıdışı ilə bağlı konsepsiyanın demək olar ki, konturlarını da cızdı.
QAİ-nın rəhbəri, millət vəkili Əziz Ələkbərlinin Real televiziyasına verdiyi məlumata görə, icmanın hazırda Türkiyənin Ankara, İzmir, Manisa, İstanbul şəhərlərində, Hollandiyada, Almaniyada, hətta Fransada da nümayəndəlikləri var. Əziz müəllim söyləyib ki, icmanın xarici ölkələrdə nümayəndəliklərinin açılması çox vacibdir. Bu günə qədər onların hansı ölkələrdə nümayəndəlikləri yoxdursa tezliklə buna nail olacağıq. Azəbaycan diasporu, xarici ölkələrdəki səfirliklərimiz Qərbi Azərbaycan həqiqətlərini dünyaya yaymalıdır. Bunun üçün həqiqətləri əks etdirən materiallar, video-çarxlarla həmin nümayəndəliklər təmin edilməlidir. Ə.Ələkbərli onu da əlavə edib ki, xarici vətəndaşlara Qərbi Azərbaycan həqiqətlərini onların qəbul edəcəyi formada çatdırmaq lazımdır.
Hazırladı: Mina RƏŞİD
