13.12.2022, 17:45 322
- “Azərbaycan Zəngəzur dəhlizini güc variantı ilə bir neçə saata aça bilər”. Bunu erməni analitik Argişti Kiviryan özünün şəxsi “Facebook” səhifəsində yazıb. O, bildirib: “Azərbaycanlılar nə edir? İndi Laçın yolunu bağlamaqla erməni tərəfini könüllü olaraq onlara Zəngəzur dəhlizini verməyə məcbur etməyə çalışırlar”.
“O dəhlizi alanda isə nəhayət, həm Laçın yolunu, həm də Qarabağı götürəcəklər. Həmişə beyinsizlərin əlindən hər şeyi qoparırlar və aparırlar”-, deyə o qeyd edib.
Erməni analitik başqa bir “Facebook” qeydində bildirib ki, rəqib İrəvanı hədələsə belə, erməni tərəfinin öz əli ilə Zəngəzur dəhlizini açmağa haqqı yoxdur: “Bakının güc variantı ilə Zəngəzur dəhlizini aça biləcəyi doğru deyil: onun imkanlarını və Ermənistan ordusunun indiki vəziyyətini nəzərə alsaq, hətta bir neçə saat ərzində buna nail ola bilər. Lakin lazımdır ki, Ermənistan onu özü öz əliylə açsın”-, deyə Kiviryan vurğulayıb.
Hazırladı: Tahirə AĞAMİRZƏ
