21.11.2022, 16:01 457
- Moldovanın nüfuzlu “Prime” telekanalı “Xarabalıqlar içində həyat” sərlövhəli xüsusi reportaj hazırlayıb.
Telekanalın jurnalisti Yelena Derjanskaya və operator Ruslan Şolkan Zəngilan rayonuna gedərək Agalı kəndində gördüklərini lentə alıblar. Reportajda vurğulanır ki, Azərbaycan İkinci Qarabağ müharibəsi zamanı geri alınan ərazilərində bərpa və yenidənqurma işləri davam edir. Azərbaycanlı qaçqınların öz Vətənlərinə qaytarılması olan ən iddialı layihələrdən biri də “Ağıllı kənd”dir. Bir vaxtlar torpaq yandırılan və evləri uçuran ərazi indi 300-dən çox insanın yaşadığı ultra müasir kəndə çevrilir.
"Biz Zəngilan rayonunun Ağalı kəndindəyik. Burada uşaq bağçası, məktəb, supermarket, bank, xəstəxana var, burada cəmi 325 sakin yaşayır. Amma hər şey o qədər də sadə deyil. Bir il əvvəl indiki yerli sakinlərin böyük əksəriyyəti məcburi köçkünlər idi və onlar indi öz doğma yurdlarına qayıtmışlar. Səliqəli yaşıl örtüklü evlər, təzə qazon, günəş enerjisi ilə işləyən küçə işıqları və “Zəhmət olmasa təmiz saxlayın!” lövhələri. - Azərbaycanın cənub-qərbindəki Ağalı kəndinə çatanda özünü ideal kənd kəndinin reklamının çəkiliş meydançasında hiss edirsən”, - deyə reportajda qeyd edilir.
Bu kənd xarabalıq bir yerdə cəmi bir ildə salınıb. 30 ilə yaxındır ki, bu ərazi Ermənistanın işğalı altında olub. Lakin İkinci Qarabağ müharibəsi zamanı yenidən Bakının nəzarətinə keçib.
Ağalı kəndindən hazırlanan geniş reportajda kənd sakinlərindən müsahibələr də alınıb. Görülən işlər geniş təqdim olunub. (AZƏRTAC)
