07.04.2025, 16:48 245
- Ermənistan prezidenti Cənubi Qafqaz ölkələri, o cümlədən ən yaxın qonşusu Azərbaycanla qeyri-dost münasibətlərində olduğu Azərbaycanla sərhədlərin tezliklə açılmasını arzulayır.
"Vətən səsi" xəbər verir ki, Vaaqn Xaçaturyan bu istəyini İrəvanda hökumət üzvlərinin qapalı toplantısında dilə gətirib. O, iddia edib ki, qonşularla münasibətlərin normallaşdırılması Ermənistanın əsas prioritetlərindən biridir.
Vaaqn Xaçaturyan bildirib ki, İrəvan Azərbaycan və Ermənistan arasında sülhün bərqərar olması gündəliyinə sadiq qalır.
“Cənubi Qafqazda dövlətlərin suverenliyinə və ərazi bütövlüyünə, habelə bərabərlik və qarşılıqlılıq prinsiplərinə hörmət əsasında bütün regional kommunikasiyaların açılması malların və vətəndaşların hərəkəti üçün müstəsna imkanlar yaradacaq. Əminəm ki, regionda sülhün alternativi yoxdur, Cənubi Qafqaz qapalı sərhədləri olmayan regiona çevrilməlidir. Bu, iqtisadi əməkdaşlığın dərinləşməsinə və insanlar arasında əlaqələrin bərpasına töhfə verəcək, bütün regionda davamlı iqtisadi artımı təmin edəcək”, - deyə Ermənistan prezidenti əlavə edib.
Elxan SALAHOV
