30.08.2024, 08:20 339
- “121 saylı Laçın Seçki Dairəsinin 106 saylı Seçki Məntəqəsi üzrə 1320 seçici qeydiyyata alınıb. Məntəqədə növbədənkənar parlament seçkilərinin qanunvericiliyin tələblərinə uyğun şəkildə keçirilməsi üçün bütün lazımi şərait yaradılıb”.
Bunu “Seçki 2024” Müstəqil Media Mərkəzinə açıqlamasında 121 saylı Laçın Dairə Seçki Komissiyasının 106 saylı Məntəqə Seçki Komissiyasının (MnSK) sədri Qardaşxan Dostuyev deyib. Onun sözlərinə görə, MnSK-nın üzvləri aşağı seçki komissiyaları üçün təşkil edilən treninqlərdə iştirak ediblər.
Sədr əlavə edib ki, seçki məntəqəsi səsvermə gününə tam hazırdır: “Seçicilərə səsvermənin tarixi, vaxtı və yeri barədə bildirişlər paylanılıb. Məntəqə, həmçinin lazımi texniki vasitələrlə təmin edilib. Seçici siyahılarına görə, məntəqə üzrə ən yaşlı seçicinin 96 yaşı var”.
