21.02.2025, 12:37 203
- "Hraparak" bu günkü sayında xəbər verib ki, AŞPA-dakı hay nümayəndələrdən olan Lilit Qlstayan sözügedən qurumun qış sessiyasında çıxış edib və deyib ki, hazırda Bakıda separatçı rejimin başçılarının məhkəməsi gedir və guya onlara qarşı ədalətsizlik hökm sürür.
Böhtan atmaqda da etnik mənşəyinə sadiqliyini nümayiş etdirən Lilit Bakıya AŞPA-nın müşahidə missiyasının göndərilməsini və həmin heyətdə özünün də təmsil olunmasını dəfələrlə xahiş edib. İrəli sürdüyü təklifin heç bir qanuna sığmadığını dərk etməyən bu, yanıqpəyəlilər demiş, qırxıqbaşın irəli sürdüyü 3 bənddən və 6 yarımbənddən ibarət təklifi isə qəbul edilməyib. Çünki Azərbaycan nümayəndə heyəti həmin haysevər qurumda öz iştirakından rəsmən imtina edib. Lilitin isə Bakıya gəlib çay içmək arzusu məhz bu təklifindəki qarayaxmalara, təhqirə görə baş tuta bilər.
Nəsib
