19.02.2024, 14:22 285
- Ermənistan parlamentinin deputatı, “Alternativ seçki layihəsi” qrupunun üzvü Elinar Vartanyan "Hraparak"ın 19 fevral tarixli sayında yayılmış məqaləsində belə qənaətə gəlib. O, bunu belə izah edir ki, 2023-cü ildə 36512 erməni ölkəni tərk edib və geri qayıtmayıb. 10 ildə isə Ermənistan pasportu ilə ölkəni tərk edib qayıtmayanların 1.291328 nəfər olduğunu dəqiqləşdirdiyini vurğulayan deputat əlavə edib ki, COVİD-19 pandemiyası ilə məhdudiyyətlərə baxmayaraq təkcə üç ildə 138 024 erməni ölkədən gedib və müvafiq qaydalara uyğun olaraq xaricdə məskunlaşıb. Hazırda isə ABŞ-da yaşamaq üçün 602359 erməninin ərizəsi var.
Ermənilərin xaricə axınının səbəbini işsizlikdə, insanlara qarşı biganəlikdə, aldadılmasında, qanunların işləməməsində və s.mənfi hallarda görən deputat əlavə edib ki,qonşu Azərbaycan və Gürcüstanda ölkəni tərk edənlər lap az olduğu halda Ermənistanda bunun qarşısını almaq haqqında belə düşünülmür.
O, sonda narahatlıqla vurğulayır ki, daha bur neçə il keçəndən sonra ermənisiz qalan Ermənistan kimə lazım olacaq?
Nə deyirik, təki elə olsun. Amma erməni qadın nahaq narahat olur ki, Ermənistan boş qalacaq. Axı, ermənilər Qərbi Azərbaycana köçürüləndən öncə orada türklər yaşayırdı və indi deyəsən, tarix təkrar olunur.
N.Qaramanlı
