19.02.2024, 13:09 300
- Sovetlər dönəmində İran əleyhinə müxtəlif təhqirlərlə çıxış edən Ermənistan mətbuatı SSRİ dağıldıqdan sonra sözügedən ölkə barədə müxtəlif müsbət fikirlər səsləndirmiş, hətta ötən əsrin 90-cı illərindən bəri onu etibarlı dost ölkə adlandırır. İranın bu günlərdə Zəngəzurla bağlı Ermənistana xəbərdarlıq mesajı verməsi isə ermənilər arasında gözlənilməz çaşqınlıq yaradıb. Baş nazir Nikol Paşinyanın son bazar günündə Zəngəzurda əhali ilə görüşündə də bu aydın hiss olunurdu. O, deyib: "Biz öz siyasətimizi legitim əsaslarla, beynəlxalq hüquq prinsipləri ilə aparmalıyıq ki, güclənmək şansı əldə edək.
İranla bizim əlaqələrimiz hansı səviyyədədir? Bu əlbəttə, dərindir
və Ermənistan bu münasibətlərə sadiqdir. Amma elə məsələlər var ki, aydın deyil. Bizim İranla münasibətlərimizin bəzi yerlərində gərginlik var, onu aradan qaldırmaq lazımdır". Baş nazirin həmin gərginliyin Zəngəzur dəhlizi ilə bağlı olduğunu və bu məsələdə İranın mövqeyindən çıxış edilməsinin vacibliyini diqqətə çatdırması isə deməyə əsas verir ki, üçtərəfli bəyanata imza atmasına baxmayaraq Nikol Paşinyan İranın qorxusundan dəhliz açılmasına razı deyil. Bəs, Rusiya bu məsələyə necə baxacaq? Görünən odur ki, Moskva Ermənistanı cəzalandıracaq.
N.Qaramanlı
