• İşğaldan azad edilmiş rayonlarımızda kənd təsərrüfatı işlərinin həyata keçirilməsi üçün mühüm addımlar atılır. Xatırladaq ki, işğaldan azad edilən ərazilərdə yer quruluşu və torpaq-kadastra işlərinə aprel ayından başlanılıb. İndiyə qədər Cəbrayıl,  Zəngilan, Qubadlı, Laçın və Kəlbəcərdə  ümumilikdə 313 min 577 hektar ərazidə çölölçmə işləri görülüb. Dağıdılan  yaşayış məskənləri, kənd təsərrrüfatı təyinatlı torpaqlar, meşələr və onların hüdudları daxilində yerləşən bütün komponentlərin kordinatları  müasir cihazlarla təyin olunur.

Hazırda tədqiqat işləri Qubadlı rayonu ərazisində aparılır. Bu işlər sentyabr ayından Laçın şəhərini və Zabux, Sus kəndlərini də əhatə edir.

Əmlak Məsələləri üzrə Dövlət Xidmətinin nümayəndəsi Nizami Ələkbərov mətbuata açıqlamasında deyib ki, ərazini GPS-lər vasitəsilə ölçmə işləri aparmaq üçün fasiləsiz fəaliyyət göstərən pasport stansiyaları istinad edilir. Naturada mövcud olan bütün daşınmaz obyektləri plana alınır. Torpaq-kadastra işləri çərçivəsində çöl-torpaq tədqiqatı və geobotanik tədqiqatlar  aparılaraq torpaqların iqtisadi qiymətləndirilməsi həyata keçirilir. O,daha sonra deyib:

-Bu işlərin xeyri ondan ibarət olacaq ki, işğaldamn azad olunmuş ərazilərdə torpaqların elektron uçotu nəticəsində bütün ərazidə mövcud olan daşınmaz əmlak oblektləri, torpaqların kateqoriya üzrə bölgüləri dəqiqliyi ilə sistemə oturdulacaq və bunun əsasında hansı ərazidə, hansı məqsədli  istifadə növü üçün məqsədəuyğundursa, onlar həyata keçiriləcəkdir.

Bu işlərin icrası həmin ərazilərdə torpaqların iqtisadi  dövrüyəyə cəlb olunmasına imkan verəsək. Eləcə də ayrı-ayrı  təsərrüfat sahələrinin inkişaf etdirilməsi üçün torpaqların kəmiyyət və keyfiyyət göstəriciləri müəyyən olunacaq.

Kadastr işləri çərcivəsində şorakətləşmə, erroziya və digər təsirlər nəticəsində münbit qatı məhv olmuş torpaqlar müəyyən edilir, onların uçotu aparılır. Gələcəkdə münbit qatı məhv olmuş  torpaqlar bərpa olunaraq yenidən kənd təsərrüfatı dövriyyəsinə qaytarılması məqsədilə rekultuvasiya işlərinin aparılması dan nəzərdə tutulur.

Çöl-ölçmə və tədqiqat işlərinin çərçivəsində əldə edilən bütün  məlumatlar vahid elektron bazaya daxil edilir ki, bununla da  dövlət torpaqlar üzərində  nəzarəti gücləndirib torpaqların səmərəli istifadəsini təşkil edəcək.

Hazırladı: Tahirə AĞAMİRZƏ