08.09.2022, 07:00 388
- Mən Ağalıdan çıxanda 13 yaşım var idi. Soyuqlu, boranlı günlərdə məcbur qalıb çıxmışıq. İndi, şükürlər olsun ki, yurdumuza qayıtmışıq. Artıq 42 yaşım var.
Bu sözləri sentyabrın 7-də Zəngilan rayonunun Ağalı kəndinə köçən Məhərrəm Orucov söyləyib.
O bildirib ki, bundan sonra Ağalıda yaşayacaq, övladlarını burada böyüdəcək. “Sentyabrın 7-si mənim üçün artıq ən sevincli günlərdən biridir. Öz torpağımıza, doğulduğum yerə qayıtmışıq. Sağ olsun Prezidentimiz, bizim üçün Ağalıda gözəl şərait yaradıb, sevincimizin həddi-hüdudu yoxdur. Şəxsən mən dörd otaqlı evlə təmin olunmuşam”, - deyə Məhərrəm Orucov sevincini bölüşüb. (AZƏRTAC)
