26.07.2022, 07:30 371
- Yolboyu ermənilər tərəfindən dağıdılmış kəndləri gördükcə kədərlənir, digər tərəfdən isə Ağalıya qayıtdığımız üçün sevinc hissi keçirirdim.
Bunu iyulun 25-də Ağalıya köçən kənd sakini Yeganə Əhmədova söyləyib.
Ağalı sakini 29 il köçkünlük həyatının çətin keçdiyini, doğma yurdlarını bir an belə unutmadıqlarını bildirib: “Kəndə çatanda illərdir həsrətində olduğum yurdumun havasını uddum, suyundan içdim. Sevincimizin həddi-hüdudu yoxdur. Kəndimizə 5 nəfər ailə üzvümlə qayıtmışıq. Artıq dördotaqlı yaraşıqlı evimiz var. Prezidentimizin, şanlı ordumuzun, şəhidlərimizin, qazilərimizin sayəsində doğma yurdumuza qovuşduq. Allah bütün məcburi köçkünlərə bizim kimi yurdlarına, kəndlərinə qayıtmağı nəsib eləsin”.
