22.10.2022, 12:00 192
- Zəngilan şəhəri və ətraf ərazilər də tam şəkildə təmizləndikdən sonra düşmənin qalan qüvvələri də geri çəkilməyə məcbur oldu. Bundan sonra bizə növbəti istiqamətlərdə tapşırıqlar verildi. Vətən müharibəsinin sonuncu gününə qədər müxtəlif istiqamətlərdə tapşırıqlar verildi və strateji əhəmiyyətli yüksəkliklər düşmən tapdağından azad olundu.
Bu fikirləri Dövlət Sərhəd Xidmətinin kapitanı Qurban Qurbanov söyləyib. Kapitan qeyd edib ki, bizə bütün əməliyyatlarda yalnız irəli getmək tapşırılırdı: “Vətən müharibəsi müddətində bir addım da olsun geri çəkildiyimiz əməliyyat olmadı. Bütün istiqamətlərdə ancaq irəlilədik. Düşmənin qarşımıza çıxan canlı qüvvəsi tam şəkildə məhv edilirdi. Qalan qüvvələr isə qaçmaqla canını qurtarırdı, texnika və silah-sursatları isə bizim nəzarətimizə keçirdi”.
Qurban Qurbanov bildirib ki, torpaqlarımızın azad olunmasına görə şəhidlərimizə borcluyuq. Allah şəhidlərimizə rəhmət etsin. (AZƏRTAC)
