17.11.2025, 09:49 221
- Torpaqlarımızın işğaldan azad olunmasından sonra Böyük Qayıdış proqramının həyata keçirilməsi çərçivəsində bölgələrimizə qayıdan vətəndaşların məşğulluğu istiqamətində mühüm addımlar atılır.
Böyük Qayıdış proqramı çərçivəsində doğma yurda köçürülərək məşğulluğu təmin edilən vətəndaşlarımızdan biri də Zahid Rəhimovdur.
O, Şuşa şəhərində məskunlaşdıqdan sonra Dövlət Məşğulluq Agentliyi tərəfindən işlə təmin olunub və hazırda texnik vəzifəsində çalışır.
Zahid Rəhimov deyir ki, bir ildir Şuşaya köçmüşük: “Şuşa işğal olunanda 16 yaşım var idi. Çox ağır vəziyyətdə çıxdıq burdan. Şükürlər olsun ki, 30 ildən sonra Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə şəhidlərimizin, qazilərimizin qəhrəmanlığı sayəsində torpaqlarımız işğaldan azad olundu və biz Şuşaya qayıtdıq. İşlə əlaqədar olaraq Məşğulluğa müraciət etdim. Çox sağ olsunlar ki, məni qəbul etdilər. Hal-hazırda burda texnik vəzifəsində işləyirəm. Şükürlər olsun ki, Şuşada yaşayırıq. İşimdən çox razıyam”.
Tahirə AĞAMİRZƏ
