15.09.2025, 11:27 125
- Azərbaycanın əbədi və əzəli torpaqlarının işğaldan azad olunması ilə bu yerlərdə həm də yeni həyatın, yeni ruhun təməli qoyuldu. Artıq həyatın yenidən canlanan rayonları arasında Xocavənddə var. Rayonun Hadrut qəsəbəsində 2021-ci ilin oktyabrında dövlətimizin başçısının təməlini qoyduğu və ötən gün açılışı olan məscid də bu yerlərdə dirçəlişin rəmzlərindən sayılır.
Məscidin minarəsinin hündürlüyü 25 metrə yaxındır. Burada eyni vaxtda 210 nəfərin ibadət etməsi mümkün olacaq. Birinci mərtəbə kişilərin, ikinci mərtəbə isə qadınların ibadət etməsi üçün nəzərdə tutulub. Məscidin fasadında milli ornamentlərə uyğun xüsusi bəzək elementlərindən istifadə olunub.
Torpaqlarımızın işğaldan azad edilməsindən sonra Azərbaycan dövləti tərəfindən həmin ərazilərimizdə Ermənistan tərəfindən dağıdılmış dini-tarixi abidələrin əvvəlki görünüşünə uyğun bərpası, həmçinin yeni məscidlərin inşası istiqamətində ardıcıl işlər görülür. (AZƏRTAC)
