• İşğaldan azad olunmuş ərazilərə böyük qayıdışın tərkib hissəsi kimi əhalinin dayanıqlı  məskunlaşması ərazilərdə  ilkin şərtlərin yaradılması, ağıllı şəhər və ağıllı kənd konsepsiyaları əsasında yaşayış və ya qeyri-yaşayış komplekslərinin inşası qabaqcıl rəqəmsal texnologiyaların geniş tətbiqi ilə müasir sosial infrastrukturunun yaradılması növbəti illərdə büdcə siyasəti qarşısında duran əsas çağırışlardandır. Bununla yanaşı növbəti illərdə kredit layihələrinin seçimi prosesi də yerli xammal və materialların  geniş istifadəsi, eləcə də valyuta amili nəzərdə saxlanılacaq. Bununla bağlı iqtisadçıların fikirlərini öyrəndik

Ruslan Atakişiyev, iqtisadçı:

-Qeyd edək ki, Şərqi Zəngəzur  və Qarabağ iqtisadi rayonlarının inkişaf etdirilməsi, bura investisiyaların cəlb olunması Azərbaycan iqtisadiyyatına reinteqrasiyası  nəticəsində ölkəmizdə  ümumdaxili məhsulun artması gözlənilir. O cümlədən də  kənd təsərrüfatı sektorunun yaşıl iqtisadiyyatın inkişafı həyata keçiriləcəkdir. Bu da ölkə iqtisadiyyatının inkişafına gətirib çıxaracaqdır.

Milli xərc prioritetlərinə daxil olan, xüsusilə də işğaldan azad edilmiş ərazilərin bərpası  və yenidənqurulması ilə bağlı layihələrin maliyyələşdirilməsinə özəl investisiyaların cəlb olunması  məqsədi ilə əlverişli və  etibarlı investisiya mühütinin yaradılması  sahəsində görüləcək işlər dəstəklənəcək. Gələn il işğaldan azad olunmuş  ərazilərin yenidənqurulması  və bərpası xərclərinin  3 milyard manat məbləğində olacağı proqnozlaşdırılır.

Xalid Kərimli, iqtisadçı:

-Bu, təqribən,  30 milyardlıq büdcənin 30 faizə qədərdir. Burda hökumət ilk olaraq  öz üzərinə düşən vəzifələri icra edir. Bu da təbii ki, ərazilərin təhlükəsiz hərəkət edilməsinin təmin edilməsi, üstəgəl ilkin infrastrukturun qurulması, yol-nəqliyyat layihələrinin həyata keçirilməsi, aeroportların, enerji infrastrukturların qurulması, bu istiqamətdə  ciddi resurslar ayılıb və  fəaliyyət qurulub.

Ağalı kəndinə qayıtmış sakinlər arasında  məşğulluğun təmin olunmasında  aqrar sahənin payı böyükdür. Kənddə salınmış intensiv meyvə bağları,  heyvandarlıq kompleksi, müasir  suvarma sistemləri ilə təchiz olunmuş əkin sahələri Ağalı sakinlərinin davamlı gəlir əldə etməsinə və işlə təmin  olunmasına hesablanıb. Eyni zamanda  işğaldan azad olunmuş  torpaqlarda 50 min hektar sahədə yazlıq və payızlıq əkin işləri aparılıb.  Bu rəqəmin növbəti mövsümdə daha da artacağı gözlənilir.

Hazırladı: Tahirə AĞAMİRZƏ