20.09.2022, 21:20 301
- Bütün cavabdeh qurumlar Qarabağda və Şərqi Zəngəzurda hər bir sahə üzrə açılan daimi iş yerlərində həmin rayonlardan olan insanları çalışmasına xüsusi diqqət yetirməlidirlər.
Prezident İlham Əliyevin bu barədə verdiyi tapşırığın icrası ilə əlaqədar Qaçqınların və Məcburi Köçkünlərin İşləri üzrə Dövlət Komitəsi və Prezidentin Şuşa rayonunda xüsusi nümayəndəsinin ofisi birgə tədbirlər həyata keçirirlər. Belə ki, nümayəndəliyin sorğusu əsasında Dövlət Komitəsi Şuşadan olan məcburi köçkünlərin peşə və məşğulluq imkanlarını qiymətləndirir, müvafiq informasiya bazası formalaşdırır. Şuşada boş iş yerlərinə məcburi köçkünlərin cəlb edilməsinin məhz bu baza əsasında aparılması nəzərdə tutulur.
