10.06.2022, 11:20 326
- İyunun 10-da Ermənistanın prezident administrasiyasının binasında KTMT xarici işlər nazirləri şurasının növbəti iclası keçirilib. Bu quruma üzv dövlətlərin nümayəndələri iclas başlamazdan öncə birgə şəkil çəkdirdikdən sonra iclas öncə dar sonra isə geniş tərkibdə davam edib. İclasda beynəlxalq və regional təhlükəsizlik, bu və ya digər böhranın tez həlli üçün mexanizmlərin möhkəmləndirilməsi və s. məsələlər müzakirə edilib, KTMT-ı ilə bağlı marka və zərflərin buraxılması qərara alınıb.
Yekunda KTMT-ya üzv dövlətlər arasında aparılan xarici siyasət, müdafiə və təhlükəsizliyə dair qarşılıqlı memorandum imzalanıb, 2022-2024-cü illər üçün fəaliyyət proqramı qəbul edilib.
Ermənistan xarici işlər naziri Ararat Mirzoyan və KTMT-nın baş katibi Stanislav Zas iclas barədə mətbuat üçün açıqlamalar veriblər.
Müxalifət isə səhər tezdən başlayaraq bütün iclas boyu iqtidar əleyhinə müxtəlif şüarlar səsləndirib. Binaya girmək istəyənlər isə polislərdən ibarət «canlı divarı» yara bilməyiblər.
Nəsib Qaramanlı
