20.09.2023, 17:14 298
- "Ortaya qoyulmuş qəti iradə və aparılmış doğru siyasət nəticəsində Azərbaycan 24 saat ərzində istədiyinə nail oldu. Fikrimcə, ali baş komandan, cənab prezident İlham Əliyevin yürütdüyü siyasət ön məntiqi nəticəsini verdi". Bunu Beynəlxalq Araşdırmalar və Diplomatiya Mərkəzinin rəhbəri, siyasi şərhçi Samir Hümbətov bildirib. O, qeyd edib ki, həssas zamanda və çətin bölgədə belə ustalıqla siyasət yürütmək olduqca siyasi ustalıq və doğru qərarların alınmasını istəyir, o zaman ölkə başçısı kimi cənab prezidentin nə dərəcədə tarixi məsuliyyəti ustalıqla faydalı şəkildə icra etdiyini görə bilərik:
"İradəli Müzəffər Ali Baş Komandan, peşəkar ordu, mövcud siyasətə dəstək verən qədirbilən xalq-bu üç amil Azərbaycanı digər dövlətlərdən və xalqlardan fərqləndirən ən önəmli xüsusiyyətlərdəndir.
Azərbaycan Ordusu Qarabağın dağlıq hissəsində ölkəmizin konstitusiya quruluşunun bərpa edilməsi üçün çətin tarixi şəraitdə öz ərazisində lokal anti-terror əməliyyatı keçirdi. Ərazimizdə təxribat törədən erməni silahlı birləşmələrini təmizləməklə həm də dünyaya müsbət mənada örnək oldu. Birgünlük anti-terror əməliyyatları ilə Azərbaycan Qarabağdakı silahlı terrorçu dəstələri ağır məğlubiyyətə uğratdı. Reinteqrasiya qaçılmaz və məcburi prosesdir.
Qarabağ Azərbaycandı!", - deyə politoloq vurğulayıb.
Hazırladı: Tahirə AĞAMİRZƏ
