• …Vaxt uzanırdı, qaçqınlıq, məcburi köçkünlük insanları çox yormuşdu. Asan deyildi axı. Həm torpağımızdan olmuşduq, həm də illərin zəhməti ilə qazandığımız qurulu, nizamlı evlərimizi qoyub çıxmışdıq dədə-baba yurdlarımızdan. Varımız-dövlətimiz, sərvətimiz qalmışdı orda.  Düşmənlə döyüşən onlarla igid oğullarımız şəhid olmuşdu doğma Vətən torpağında, xeyli sayda ana-bacılarımız, oğul-uşaqlarımız, əsgərlərimiz girov götürülmüşdü, dinc əhaliyə olmazın zülmlər edilmişdi. Xocalı qətliamında düşmən tərəfindən azərbaycanlılara qarşı bəşəriyyətdə görünməmiş amansız divan tutulmuş, namusumuz kirlədilmişd. Ürək gərək idi ki, belə dərdlərə,  ağrı-acılar dözsün...

Qarabağdan, Şərqi Zəngəzurdan məcburi köşkün düşən əhali Bakıda, Sumqayıtda və Azərbaycanın digər şəhər və rayonlarında müvəqqəti sığınacaq tapmışdı. Kim harda gəldi məskunlaşmışdı – uçuq-sökük daxmalarda, tikintisi yarımçıq qalmış, yaşamağa yararsız olan binalarda, pansionatlarda, yataqxanalarda, uşaq baxçalarında, ilan mələyən çöllərdə çadırlar qurulmuşdu və s. Belə ağır günlərimizdə bir çox insanlarımız Vətən, yurd-yuva həsrətinə tablaşa bilməyib qərib diyarda gözlərini əbədi yumdu dünyaya... İllər keçdikcə, bəlkə,  ağrılar da keçər, desək də amma keçmədi, çünki bu unudulası dərd, ayrılıq deyildi...

Belə bir ağır günlərdə Ulu Öndər Heydər Əliyev ikinci dəfə hakimiyyətə gəlməklə, xalqımızın imdadına çatdı. Həm xalqımızı böyük bir bəladan xilsa etdi, həm də qaçqın və məcburi köçkünlərimizin vəziyyəti ilbəil yaxşılığa doğru dəyişməyə başladı. Qaçqın və məcburi köçkünlərin həyat şəraitinin yaxşılaşdırılması üçün dövlət Proqramları həyata keçirildi...

Xalqımız tərəfindən böyük səsçoxluğu ilə 2003-cü ildə Prezident seçilən İlham Əliyev tərəfindən də bu siyasət ardıcıllığı ilə davam etməyə başlanıldı... Azərbaycan Prezidenti, Müzəffər Ali Baş Komandan İlham Əliyev hər bir vətəndaşın Prezidenti olacağına söz verdi və vədi yerinə yetirdi. Öncə çadırlar çöküldü, yerində qəsəbələr salındı. Sonra  yeni-yeni müasir binalar tikildi, daha sonra  hündürmərtəbəli binalar inşa olundu və hər cür avadanlıqla təmin olunmuş evlər məcburi köçkünlərin ixtiyarına verildi v s. Zaman keçdiksə hamımızın qəlbimizdə böyük ümidlər cücərməyə başlayırdı. Bu zaman dəyişimində nəinki qaçqın və məcburi köçkünlərin pbroblemlərin həllinin cözülməsində böyük fədakarlıq göstərmiş Azərbaycan Respublikasının Prezidenti İlham Əliyev və Birinci vitse-prezidenti Mehriban xanım Əlyeva artıq dünya miqyasında  böyük Şəxsiyyətlər kimi tanındı. Azərbaycanın həm iqtisadi, həm siyasi, həm də Ordu sahəsində gücləndiyini görən xarici dövlətlər tərəfindən ölkəmizə qarşı ikili standartlar tətbiq edildi. 30 il müddətində Azərbaycanın haqq səsi eşidilmədi. Nə ATƏN-in Misk qrununun, nə də BMT tərəfindən öhdəliyə götürülən heç bir qətnamə  yerinə yetirilmədi. Əksinə Azərbaycana Qarabağı unutdurmağa çalışdılar. Lakin  dövlətimizin başçısı geri çəkilmədi. Çünki Qarabağın asanlıqla işğaldan azad olunmayacağını əvvəldən bilirdi və hər bir addım buna hesablanmışdı. Bütün zəruri tədbirlər görülmüşdü...

2020-ci il sentyabrın 27-də Ermənistanın silahlı qüvvələrinin təxribatlarının qarşısını almaq və torpaqlarımızı azad etmək məqsədilə Ali Baş Komandan İlham Əliyevin əmrinə əsasən gücləndirilmiş Azərbaycan ordusunun başladığı əks-hücum əməliyyatları qıza zamanda geniş miqyas aldı və Vətən mühaibəsi başladıldı. Azərbaycan Prezidentinin uzaqgörənliyi sayəsində və rəhbərliyi ilə Azərbaycan Ordusu 44 günlük rəşadətli döyüşlərdə düşməni diz çökdürdü. Şəhid oğullarımızın qanı-canı bahasına Qarabağ və Şərqi Zəngəzur düşmən tapdağından azad edildi...

Oktyabrın 15-də Azərbaycan Prezidenti, Müzəffər Ali Baş Komandan İlham Əliyev Xankəndiyə səfər edəndə bəlkə də heç kimin ağlına gəlməzdi ki, bir gün Xankəndidə də Zəfər Bayrağı dalğalanacaq.

Müzəffər Ali Baş Komandan Xankəndi, Xocalı, Xocavənd, Ağdərə şəhərlərində Azərbaycanın müqəddəs bayrğını ucaltmaqla  xalqımıza yeni bir müjddə verdi. Şanlı Zəfərimizin sevinc və qurur hissini bir daha yaşadıq. 30 illik həsrətimizə son qoyuldu. Xocalının düşməndə olmasına dözə bilmirdik... Şuşaya gedib ordan Xankəndinə həsrətlə baxırdıq...

Azərbaycan Prezidetinin Türkiyə Prezidenti Rəcəb Tayyib Ərdoğan və xanımı Əminə Ərdoğanla Şuşaya səfəri zamanı Prezidentin əlini uzadıb ora  da Xankəndidi, deyəndə, həmin andaca  Ərdoğanın hotel ordamı? sualına Prezidentimiz İlham Əliyev ürəkdən gülmüşdü və demişdi: “Yox, amma orda da olacaq”.

Həmin o videoya demək olar ki, hər gün baxırdım  və qürur hissi keçirir, nanırdım ki, bu, sözü Prezidetimiz elə-belə deməmişdi...

Doğrudur, inanırdıq ki, o əzəli və əbədi torpaqlarımızı da geri alacağıq, amma belə qısa zamanda qovuşmağı mümkünsüz sayırdıq.  Amma Azərbaycan Respublikasının Prezidenti, tarixdə yeganə Qalib SƏRKƏRDƏ olan Müzəffər Ali Baş Komandan İlham Əliyev bu xoşbəxtliyi də xalqımıza yaşatdı. Şükürlər edirik ki, Birinci Qarabağ müharibəsində şəhid olan igidlərimizin də qisası alındı,  onların qanı yerdə qalmadı. İki yüz illik əsarətə son qoyuldu. AZƏRBAYCAN PREZİDENTİ  İLHAM ƏLİYEV bununla bir daha sübut etdi ki, nəyi harda  və nə zaman etməyin  lazım olduğunu ÖZÜ hamıdan və hər kəsdən daha yaxşı bilir.

Hələ bunun ardınca da Şanlı Zəfərimizin üçüncü ildönümünün Xankəndində keçirilməsi sevincimizə  sevinc qatdı. Xalqımıızn həyatında tarix boyu belə qürurverici bir hadisə olmamışdı.  Tanrıdan şəhidlərimizə rəhmət, qazilərimizə cansağlığı diləyirəm. Şəhidlərimizin çox olması bu günə qədər qəlbimdə sağalmayan bir yara idisə, bu gün bu sevinci ürəkdən yaşamağım da elə bilirəm haqqımdır. İndi mənim bircə arzum var. Heç kim məni yalnış anlamasın, doğulduğum doğma Qubadlım işğaldan azad olunan günü demişdim ki, nə olar elə indi  Prezident İlham Əliyevə orda qızıldan heykəl qoyula... 

Tahirə AĞAMİRZƏ