Ermənistan parlamentinin sədri ağdamlıdır

“Hraparak” informasiya agentliyinin əməkdaşları apardıqları tədqiqatlar nəticəsində 10 il əvvəl Ağdam rayonu ərazisində Ermənistanın 3-cü prezidenti Serj Sərkisyan və Ermənistan parlamentinin indiki sədri Alen Simonyanın, onlarla yanaşı bir neçə şəxsin videoçarxını əldə ediblər. Alen Simonyan həmin videoçarxda deyir ki, “Ağdam mənim vətənimdir”. Jurnalistin sualına cavab olaraq isə əlavə edib ki, babalarım və nənələrim Qarsdandırlar...

Uşaqlıq dövrünün ilk illərinin Ağdamda keçdiyini xatırladan A.Simoyan daha sonra əlavə edib ki, Ağdam azərbaycanlılar tərəfindən salınan şəhərdir. Amma o da Ermənistan ərazisində salınıb.

Alen Simonyanın Ağdamda doğulması və sonradan İrəvana köçməsini şərh edən agentlik həm də xatırladır ki, o öz komanda yoldaşları kimi düşünür və  Qarabağın bütövlükdə Azərbaycanın tərkibində olmasını istəyir.

Seyran Ohanyan həm də fırıldaqçıdır

Müxtəlif erməni KİV-lərində Seyran Ohanyanın əmlakı ilə bağlı mövzular geniş yayılmaqdadır. “Lurer”, “Faktor” və s. erməni informasiya agentliklərinin yaydıqları xəbərlərə görə 2020-ci il aprelin 20-də Ermənistan parlamenti “Qeyri-qanuni mənbəyi olan əmlakın müsadirə edilməsi haqqında”  qanun qəbul edib. Həmin qanuna görə müvafiq istintaq əməliyyatları indi də  keçirilməkdədir. Qeyd olunur ki, sabiq müdafiə naziri Seyran Ohanyan dindirilərək  əmlaklarını hansı yolla əldə etdiyi barədə suallara cavab vermişdir. Onun İrəvan şəhərinin cazibədar məhəlləsində 3 mərtəbəli mülkü və bir neçə minik maşını olduğu da junralistlərə açıqlanıb. Bu günlədə isə həmin mülklə bağlı qəribə fakt ortaya çıxıb. Sən demə, S.Ohanyan həmin mülkü İrəvan sakininə satıb, o isə aldığı mülkü Fransada yaşayan qohumuna bağışlayıb. Əsl erməni bicliyi ilə aparılan bu, alqı-satqı əməliyyatı nəticəsində Seyran Ohanyan yenə də həmin mülkün sahibinə çevrilib. Belə ki, fransalı erməni öz adına olan mülkü “arsax qəhrəmanı” Seyran Ohanyana bağışladığı barədə hüquqi sənəd təqdim edib və əgər S.Ohanyan həmin mülkdən çıxarılarsa, Fransanın Ermənistandakı səfirliyinə müraciət edib onun hüquqlarının qorunmasını xahiş edəcəyini vurğulayıb.

Vilayətlərdə polis qalmayıb?

“Fakt” qəzeti 1 iyun tarixli sayında dərc olunmuş baş məqalədə yazır ki, müxalif deputatlar iyunun 3-də saat 16-da parlamentdə “Ermənistan-Azərbaycan və Ermənistan-Türkiyə  münasibətləri ilə əlaqədar” bəyanat layihəsini müzakirə etmək fikrindədir. Bu barədə parlamentə və hökumətə hələ bir neçə gün əvvəl yazılı müraciət göndərilib. Lakin heç bir cavab alınmayıb. Qəzetin araşdırmalarına görə parlamentdəki çoxluq sözügedən iclasda iştirak etməyəcini bildirib və vurğulayıb ki, müxalifətin bu məsələ ilə bağlı parlamentdə çoxdan müzakirə aparılaraq qərar qəbul edilib. Qəzet həmçinin bildirir ki, hakim fraksiya iyunun 3-də keçiriləcək iclas üçün geniş hazırlıq işləri aparır və müxalifətin təklifləri səs çoxluğu qazana bilməyərək  qəbul edilməyəcək.

Mənbə həmçinin göstərir ki, iqtidar müxalif deputatlara iyunun 3-dək Fransa meydanında olan çadırları sökmələri və meydanı boşaltmağı tövsiyə edib.

Məqalədə xüsisi vurğulanıb ki, Ermənistanın vilayət mərkəzlərindən polislər İrəvana gətirilir. Vilayətlərdə, demək olar ki, polis qalmayıb, onların hamısı İrəvandadır.

Nəsib QARAMANLI