Dövlət Turizm Agentliyindən bildirilib ki, bununla yanaşı, işğaldan azad edilmiş ərazilərdə əsas nəqliyyat dəhlizləri boyunca turizm resurslarının qiymətləndirilməsi işləri həyata keçirilib, turizm rekreasiya zonaları əsasında mədəni, təbiət, dağ, sağlamlıq, qış, işgüzar və s. turizm növlərinin inkişafı nəzərdə tutulub. Hazırda “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın icrası istiqamətində iş aparılır. Xüsusilə, Suqovuşan su anbarının ətrafı, Hadrut qəsəbəsi, Tuğ və Daşaltı kəndlərində turizm infrastrukturunun qurulması üzrə işlər icra edilməkdədir. (AZƏRTAC)