20.07.2023, 09:24 364
- Mədəniyyət Nazirliyi “İrsimizi tanıyaq, tanıdaq” adlı sosial videoçarx müsabiqəsi elan edib. Müsabiqə ümummilli lider Heydər Əliyevin anadan olmasının 100 illiyi ilə əlaqədar Ulu Öndərin mədəniyyətə və mədəni irsə qayğısını rəhbər tutaraq, Azərbaycanın qədim tarixi, həmçinin zəngin mədəniyyətinin təbliği, vətənpərvərlik hissinin aşılanması, mədəniyyətə, incəsənətə, milli-mənəvi dəyərlərə, adət-ənənələrimizə hörmətin qorunub saxlanılması və inkişaf etdirilməsi, yeni yaradıcı qüvvələri prosesə cəlb etmək məqsədilə təşkil olunub.
Müsabiqə videoçarxların qəbulu və təqdim edilmiş materialların seçimi olmaqla iki mərhələdən ibarətdir.
Müsabiqəyə qatılmaq istəyən şəxslər hazırladıqları videoçarxı iyulun 20-dən sentyabrın 4-dək onlayn şəkildə təqdim edə bilərlər.
Bu barədə ətraflı məlumatı Mədəniyyət Nazirliyinin saytından əldə etmək mümkündür.
Qeyd edək ki, müsabiqə qaliblərinin adları sentyabrın 20-də elan olunacaq.
Müsabiqənin çağırışı belədir:
“Milləti mədəniyyət, mədəniyyəti millət yaşadar! Sən də bu missiyanın bir hissəsi olmaq istəyirsənsə, müsabiqəyə qoşul, fərqli və yaradıcı yanaşmanı təqdim et, qalib ol”.
Müsabiqə haqqında ətraflı məlumatı link vasitəsilə əldə etmək mümkündür.
Hazırladı: Mina RƏŞİD
