10.03.2023, 16:39 288
- Prezident İlham Əliyevin tapşırıq və tövsiyələrinə uyğun olaraq səyyar qəbul-görüşlərinin keçirilməsi məqsədi sakinlərin problemlərini dinləmək və həll edilməsini təmin etməkdir.
Qubadlı Rayon İcra Hakimiyyətinin başçısı Malik İsaqov əhalinin problemlərinin yerində öyrənilməsi və həll edilməsi məqsədilə mütəmadi olaraq vətəndaşlarla görüşür, onların təkliflərini dinləyir, qayğılarını daim diqqət mərkəzində saxlayır.
RİH başçısı Malik İsaqovun növbəti səyyar qəbulu 10 mart 2023-cü il tarixində Sumqayıt şəhər, Kimyaçılar qəsəbəsində yerləşən Cəlal Həşimov adına Qubadlı rayon Mərdanlı kənd tam orta məktəbində keçirilmişdir.
Görüşdə Rayon İcra Hakimiyyətinin başçısı Malik İsaqov, RİH-nin məsul işçiləri, RİHB-nın inzibati ərazi darəsi üzrə nümayəndələri və həmin ərazidə məskunlaşan keçmiş məcburi köçkünlər iştirak edirdi.
Qəbul zamanı 18 məsələ qaldırılmışdır ki, onlardan 8-i yerində həll olunmuş, 6-sı baxılması üçün nəzarətə götürülmüşdür. 4 məsələ ilə bağlı isə vətəndaşlara müvafiq izahat verilmişdir. Səyyar qəbulda sakinlərin arzu və təklifləri həssaslıqla dinlənilib, qaldırdıqları məsələlər məsul şəxslərin iştirakı ilə yerindəcə araşdırılaraq həlli ilə bağlı tədbirlər müəyyənləşdirilmişdir.
Sonda sakinlər cənab Prezident İlham Əliyevin rəhbərliyi ilə Müzəffər Ordumuzun düşməni məhv edib torpaqlarımızı azad etməsinə, keçmiş məcburi köçkünlər üçün görülən bütün işlərə, eləcə də göstərdikləri diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirdilər.
Səyyar qəbuldan razı qaldıqlarını bildirən sakinlər həmçinin, məcburi köçkün həyatı yaşadıqları dövrdə problemlərinin həllində köməklik göstərən, onlara yaxından dəstək olan, eyni zamanda göstərdiyi diqqət və qayğıya görə RİH başçısı Malik İsaqova minnətdarlıqlarını bildirdilər.
Tahirə AĞAMİRZƏ
