08.03.2023, 09:32 295
- Şükür Hacıyev 44 günlük Vətən müharibəsinin qəhrəmanı kimi özünü tanıtdı və hər birimizin qəlbində yaşayacaq.
Şükür Aslan oğlu Hacıyev 2000-ci il martın 8-də Yevlax şəhərində anadan olub. 2018-ci ildə orta məktəbi bitirdikdən sonra həqiqi hərbi xidmətə yollanıb. Şükür 44 günlük Vətən müharibəsində yaxından iştirak edərək qorxusuzluğu ilə könüllərə yol tapıb. Ağır döyüşlər zamanı yaralansa da, güllə yağışı altında yoldaşlarını çiynində döyüş gedən ərazidən uzaqlaşdıra bilib.
Şükür Hacıyev əslən Laçın rayonunun Budaqdərə kəndindəndir.
Cəsur döyüşçümüz Qubadlı, Laçın və Şuşa döyüşlərində vuruşub. 2020-ci il noyabrın 5-də Şuşanın azad edilməsi uğrunda gedən döyüşlərdə döyüş tapşırığını yerinə yetirərkən qəhrəmancasına şəhid olub. Ağdam rayonunun Quzanlı qəsəbə qəbiristanlığında böyük ehtiram və izdihamla torpağa tapşırılıb.
Şəhidimiz Şükür Hacıyev ölümündən sonra 3-cü dərəcəli "Vətənə xidmətə görə" ordeni, "Vətən uğrunda", "Qubadlının azad olunmasına görə', "Laçının azad olunmasına görə", "Şuşanın azad olunmasına görə" medalları ilə təltif edilib.
Tahirə AĞAMİRZƏ
