22.02.2023, 17:05 302
Alim Tahir oğlu Allahverdiyev 1 fevral 1990-cı ildə Kəlbəcər rayonunun Keşdək kəndində dünyaya gəlib. Hələ kiçik yaşlarında olanda erməni işğalı ilə əlaqədar ailəsi ilə birlikdə Oğuz rayonuna köçüblər. O, burada yerləşən Kəlbəcər rayon 95 saylı tam orta məktəbə daxil olub. 2007-ci ildə orta təhsilini bitirib, həqiqi hərbi xidmətə çağırılıb. Xidməti başa vurduqdan sonra MAHHXHQ kimi həyat yolunu davam etdirib.
Hərb sənətinə olan bağlılığı onun təlim alıb bir döyüşçü kimi fəaliyyət göstərə bilməsinə səbəb olub. Quru Qoşunlarında xidmət edən Alim 27 sentyabr 2020-ci ildə başlayan Vətən müharibəsinə qoşulur. Kiçik çavuş kimi o, Füzuli, Cəbrayıl və Xocavənd istiqamətində döyüşlərdə igidliklə vuruşur. Komandirlərinin və döyüş dostlarının dərin rəğbətini qazanmışdır. Azərbaycan Respublikasının Prezidenti cənab İ Əliyevin sərəncamı ilə Alim "Füzulinin azad olunmasına görə", "Xocavəndin azad olunmasına görə", "Cəsur döyüşçü" medalları ilə təltif olunmuşdur. 3 cü qrup əlildir.
İsa Musayev
