10.02.2023, 08:55 358
Misirli Elvin Abil oğlu əslən Kəlbəcər rayonunun Kərəmli kəndindəndir. Lakin rayonun işğalından sonra ailəsi Gəncə şəhərinə köçüb. O, 28 mart 1997-ci ildə burada anadan olub. Elvin Gəncə şəhər 13 saylı orta məktəbin birinci sinfinə qəbul olunub. 9-cu sinfi bitirdikdən sonra 10-11-ci sinifləri Kəlbəcər rayon 58 saylı tam orta məktəbdə oxuyub. Orta təhsilini başa vurduqdan sonra 2014-2018-ci illərdə Gəncə şəhərində Azərbaycan Dövlət Aqrar Universitetində oxuyub. E.Misirli 2018-ci ildə həqiqi hərbi xidmətə çağırılmış, 2019-cu ildə ordudan tərxis olunmuşdur. Ürəyində həmişə doğma yurd yerlərinə qayıtmaq arzusu ilə yaşayıb. Elə ona görə də Vətən müharibəsi başlayanda Elvin də minlərlə Azərbaycan genci kimi könüllü olaraq döyüşə qoşuldu. Tale elə gətirdi ki, o, Kəlbəcər istiqamətində gedən ölüm-dirim savaşının iştirakçısı oldu. Düşmənə ağır zərbələr endirən Elvin Azərbaycan Respublikasının Prezidenti cənab İlham Əliyevin sərəncamı ilə "Kəlbəcərin azad olunmasına görə" , "Vətən müharibəsi iştirakçısı" medalları ilə təltif olunub.
İsa Musayev
