31.08.2025, 02:26
AZ EN
25.08.2025, 09:53 231

Bu gün şəhid Əhməd Məmmədovun doğum günüdür

XƏBƏRLƏR
  • Bu gün Vətən müharibəsinin qəhrəman şəhidi Əhməd Nazim oğlu Məmmədovun doğum günüdü. O, 25 avqust 1994-cü ildə Qazax rayonunun Fərəhli kəndində anadan olub. 2000-ci ildə Qazax rayon Kamran Kərimov adına Fərəhli kənd ümumi orta məktəbin I sinfinə daxil olub, 2009-cu ildə həmin məktəbin IX sinfini bitirib. 2009-cu ildə Qazax şəhər Firuddin Şamoyev adına 4 nömrəli tam orta məktəbin X sinfinə daxil olub, 2011-ci ildə həmin məktəbin XI sinfini bitirib. 2012-ci ildə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Qazax Rayon Şöbəsi tərəfindən Azərbaycan Silahlı Qüvvələrinə həqiqi hərbi xidmətə çağırılıb, 2014-cü ildə hərbi xidmətdən tərxis olunub.

Əhməd Məmmədov həqiqi hərbi xidmətini başa vurduqdan sonra Azərbaycan Silahlı Qüvvələrinin "N” saylı hərbi hissəsində müddətdən artıq həqiqi hərbi xidmət qulluqçusu kimi xidmətini davam etdirib.

Kiçik çavuş, kəşfiyyatçı Əhməd Məmmədov 2020-ci il noyabrın 8-də Şuşa uğrunda gedən döyüşlərdə qəhrəmancasına şəhadətə ucalıb.

Şəhidimiz 11 noyabr 2020-ci ildə doğulub boya-başa çatdığı Qazax rayonunun Fərəhli kənd qəbiristanlığında böyük izdihamla dəfn edilib. 

Şəhidimiz ailəli idi.
Azərbaycanın ərazi bütövlüyünün bərpa olunması, doğma yurdumuzun, Vətən torpaqlarının düşmən tapdağından azad edilməsi uğrunda şəhid olan Əhməd Məmmədov döyüşlərdə göstərdiyi şücaətlərə görə "Vətən uğrunda”, "Döyüşdə fərqlənməyə görə” və "Şuşanın azad olunmasına görə” medalları ilə təltif olunub.
Cənnətdəki doğum günün mübarək, məzarın nurla dolsun, ruhun şad olsun, qəhrəman şəhidim!

Mina RƏŞİD

Oxşar xəbərlər