13.04.2025, 09:00 142
Bu gün onun doğum günüdür
- Azərbaycan Ordusunun Xüsusi Təyinatlı Qüvvələrinin giziri olan Tərzan Qəhrəman oğlu Həşimov 1989-cu il aprelin 13-də Lerik rayonunun Bibihoni kəndində anadan olub. O, 2010-cu il mart ayının 6-da Müdafiə Nazirliyinin əmri ilə "gizir" hərbi rütbəsi alıb və Gəncə şəhərində yerləşən "N" saylı hərbi hissədə motoatıcı tağım komandirinin müavini vəzifəsində xidmət etməyə başlayıb. 2016-cı ilin "Aprel" döyüşlərinin də iştirakçısı edib və döyüş zamanı yaralanıb. Qəhrəmanımız döyüş müddətində xüsusi iradə nümayiş etdirərək neytral zonadan döyüş zamanı həlak olan şəhidlərimizi çıxarıb.
Tərzan Haşımov 2020-ci ilin 27 sentyabrında başlanan Vətən müharibəsi zamanı Füzuli, Cəbrayıl və Xocavəndin azadlığı uğrunda gedən döyüşlərdə iştirak edib. Gizir Tərzan Haşımov düşmən dilini təmiz bilirmiş. Döyüş yoldaşlarının dediyinə görə, bir neçə dəfə düşmənlə rabitəyə girərək düşmən texnikasını məhv ediv. Qarabağın azadlığl uğrunda qürurla döyüşdən-döyüşə atılan igidimiz 20 oktyabr tarixində Füzuli istiqamətində gedən ağır döyüşlərdə döyüş tapşırığını yerinə yetirərkən qəhrəmancasına şəhid olub.
Tərzan Haşımov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə" medalları və "Azərbaycan Bayrağı" ordeni ilə təltif edilib.
Allah rəhmət eləsin!
Tahirə AĞAMİRZƏ
