03.04.2025, 16:50 225
- Aprel döyüşlərinin doqquzuncu ildönümü ilə əlaqdar “Aprel döyüşləri –Qələbəyə aparan yolun başlanğıcı” mövzusunda tədbir keçirilib.
Tədbirdə Rayon İcra Hakimiyyətinin başçısı Kamal Həsənov, Hüquq-Mühafizə orqanlarının eləcə də idarə, müəssisələrin rəhbərləri, müharibə veteranları, qazilər, ictimaiyyət nümayəndələri, aprel şəhidlərinin ailə üzvləri iştirak ediblər.
İştirakçılar Şəhidlər xiyabanında və Zabrat qəbristanlığında aprel şəhidləri Ruhin Qəhrəmanovun, Mahmud İbrahimovun və digər şəhidlərimizin məzarlarını ziyarət edərək önünə gül dəstələri düzüb, xatirələrini dərin ehtiramla yad ediblər. Rayon İcra Hakimiyyətinin başçısı Kamal Həsənov çıxış edərək Böyük Zəfərin başlanğıcı olan 4 günlük Aprel döyüşlərinin tarixi əhəmiyyətindən, döyüş qəhrəmanlarının keçdikləri şərəfli yoldan, şanlı qələbəmizin əldə olunmasında Müzəffər Ali Baş Komandan İlham Əliyevin uzaqgörən hərbi və siyasi strategiyasından geniş söhbət açıb. Bildirib ki, bu qəhrəmanlar içərisində rayonumuzun 2 igid övladı Ruhin Qəhrəmanov və Mahmud İbrahimovun adlarını bu gün fəxrlə çəkirik. Məhz belə oğulların, rəşadətli Azərbaycan Ordusunun sayəsində İkinci Qarabağ müharibəsində düşmənə sarsıdıcı zərbə vuruldu, torpaqlarımız işğaldan azad edildi. Bu gün hər bir azərbaycanlı doqquz il əvvəl Lələtəpədə ucaldılan üçrəngli bayrağımızın işğaldan azad edilən Qarabağın və Şərqi Zəngəzurun hər güşəsində dalğalanmasından sonsuz qürur duyur. Bu qüruru bizə yaşadan Müzəffər Ali Baş Komandana və Rəşadətli Azərbaycan Ordusuna minnətdarıq.
Tədbirdə şəhid Ruhin Qəhrəmanovun təhsil aldığı R.Xudiyev adına Minbaşılı kənd tam orta məktəbin şagirdlərinin ifasında vətənpərvərlik mövzusunda şeirlər səsləndirilib, şəhidlərin valideynlərinin torpaqlarımızın azadlığı uğrunda canlarından keçən vətən övladlarının xatirəsinin əziz tutulmasına görə dövlət rəhbərliyinə minnətdarlıq ifadə edən fikrləri dinlənilib və oğulları ilə bağlı xatirələri bölüşülüb.
Tahirə AĞAMİRZƏ
