• Füzuli rayonu Horadiz qəsəbəsində yerləşən Füzuli Dövlət Dram Teatrında "Azərbaycan Respublikasının Gənclər və İdman Nazirliyinin maliyyə yardımı ilə “Bakı Gənclər Klubu” ictimai birliyi tərəfindən “Qələbəni Yaşadan Qəhrəmanlar” adlı layihə çərçivəsində tədbir keçirilib.

Tədbirdə Füzuli Rayon İcra Hakimiyyəti başçısının müavini, Sosial - iqtisadi İnkişafın təhlili və proqnozlaşdırılması şöbəsinin müdiri Vüqar Teymurov, Füzuli RİH Vətən müharibəsi iştirakçıları və şəhid ailələri ilə işin təşkili şöbəsinin müdiri Hafiz Misirli, “Bakı Gənclər Klubu” İctimai Birliyin idarə heyətinin sədri Azər Cavadov, Təhsil işçiləri, Səfərbərlik və Hərbi Xidmətə Çağırış üzrə Dövlət Xidmətinin Füzuli rayon şöbəsinin əməkdaşı, şəhid ailələri, Vətən müharibəsi iştirakçıları və gənclər iştirak ediblər.

İştirakçılar Vətənin azadlığı uğrunda canından keçən şəhidlərimizin xatirəsini ehtiramla yad ediblər.

Sonra Füzuli Rayon İcra Hakimiyyəti başçısının müavini, Sosial - iqtisadi İnkişafın təhlili və proqnozlaşdırılması şöbəsinin müdiri Vüqar Teymurov çıxış edərək 44 günlük Vətən müharibəsinin Azərbaycan xalqının həyatındakı rolundan, qazanılan Şanlı Qələbənin memarı, Müzəffər Ali Baş Komandan İlham Əliyevin qətiyyətli sərkərdəlik məharətindən, ordumuzun gücündən, şəhid və qazilərin, müharibə iştirakçılarının vətənpərvərlik əzmindən danışıb.

Vüqar Teymurov “Bakı Gənclər Klubu” ictimai birliyinin fəaliyyətini yüksək qiymətləndirərək gördüyü işlərdə birliyin kollektivinə uğurlar diləyib.

“Bakı Gənclər Klubu” ictimai birliyi idarə heyətinin sədri Azər Cavadov çıxış edərək bildirib ki, ictimai birlik əsas fəaliyyətini gənclərin vətənpərvərlik tərbiyəsi və xalqımızın tarixi və mədəni irsinin təbliği istiqamətlərində aparır. Məhz bu istiqamətləri əsas götürərək təşkilatımız "Azərbaycan Respublikasının Gənclər Fondu"nun maliyyə dəstəyi ilə 01 noyabr 2024-cü il– 30 dekabr 2024-cü il tarixlərində “Qələbəni Yaşadan Qəhrəmanlar" adlı layihənin icrasını həyata keçirir.

Layihənin məqsədi - Azərbaycanın müstəqilliyi və ərazi bütövlüyü uğrunda Vətən müharibəsi zamanı gedən döyüşlərdə qəhrəmancasına vuruşmuş, bu yolda həyatlarını və sağlamlıqlarını itirmiş döyüşçüləmizi qısametrajlı filmlərin vasitəsilə ictimaiyyətə tanıtmaq və gənclərimizdə qəhrəman obrazları yaratmaqdır. Layihənin icrası zamanı 2 Vətən müharibəsi qazisi Namazov Babək Məzahir oğlu və Aslanov Fərid Rafiq oğlunun döyüş yolları və Vətən müharibəsində göstərdikləri qəhrəmanlıqları haqqında Füzuli rayonunda filmlərin çəkilişi aparılmış və 10 -15 dəqiqə arası 2 qısametrajlı filmlər hazırlanmışdır.

Sonda layihənin yekunu olaraq hazırlanmış qısametrajlı filmlərin təqdimatı keçirilmişdir.

Mina RƏŞİD