13.08.2024, 08:00 257
- "Son illərdə Azərbaycanda inanmağımız mümkün olmayan o qədər sevindirici hadisələr baş verir ki, bununla yalnız fəxr edib qürur duymaq mümkündür. Belə hadisələrdən birini də indi yaşamaqdayıq. Milli Məclisə seçkilərdə Xankəndidə səsvermənin olacağını düşünəndə çox həyəcanlanıram”.
Bunu “Seçki2024” Müstəqil Media Mərkəzinə açıqlamasında Xalq artisti Fəxrəddin Manafov söyləyib.
"Xankəndi mənim vətənimdir, mən orada doğulmuşam.Tezliklə bizim şəhərdə də yerli əhali seçkilərə qatılacaq, səsverməyə gedəcək, parlamentdəki təmsilçimizi seçəcək. Bunu düşünərkən keçirdiyim hissləri sözlə ifadə etmək olmur. İlk növbədə sonsuz qürur hissi yaşayıram və bütün azərbaycanlılar kimi mən də çox xoşbəxtəm.
Azərbaycanın digər bölgələri kimi işğaldan azad olunmuş torpaqlarımızda da insanlar seçkilərdə iştirak edəcək. Hamımızı təbrik edirəm” deyə, o, əlavə edib.
Tahirə AĞAMİRZƏ
