06.02.2024, 07:26 269
- Xocavənd Rayon İcra Hakimiyyətinin təşkilatçılığı ilə ilk dəfə səs verəcək gənc seçicilərlə görüş keçirilib. İnfosessiyanın məqsədi gənclərin seçki sistemi, seçicinin hüquq və vəzifələri barədə maarifləndirməsi, habelə keçiriləcək seçkilərdə ilk dəfə seçici kimi iştirak edəcək gənclərin məlumatlılıq səviyyəsinin və seçici fəallığının artırılmasıdır.
Görüşdə ilk dəfə seçkilərdə iştirak edəcək gənclərə uğurlar arzulanıb. Bildirilib ki, gənclərin bütün sahələrdə aktiv fəaliyyəti ilə seçilməsi, siyasi, iqtisadi, humanitar, sosial tədbirlərin həyata keçirilməsində mühüm rol oynaması onlara verilən yüksək dəyərin nümunəsidir. Çıxışlarda seçki hüququndan düzgün istifadə, səsvermə qaydaları, seçki prosesi haqqında gənclərə məlumat verilib.
Mina RƏŞİD
