30.01.2024, 12:54 277
- “Qalib ölkə olaraq bütün ərazilərimizdə ilk dəfə prezident seçkilərinin keçirilməsi bizi çox qürurlandırır”.
"Vətən səsi" xəbər verir ki, bunu “secki-2024.az” saytına açıqlamasında Vətən Müharibəsi Qəhrəmanı Azər Abdullazadə deyib.
O xatırladıb ki, işğaldan azad edilmiş ərazilərdə artıq keçmiş məcburi köçkünlər yaşayır və onlar ilk dəfə olaraq öz doğma torpaqlarında səs verəcəklər: “Bu, bizim üçün çox qürurverici hadisədir. İllər əvvəl biz o torpaqlara gedə bilmirdik, amma indi həmin ərazilərdə üçrəngli Azərbaycan Bayrağı dalğalanır, ilk dəfə prezident seçkiləri keçirilir. Bu, bizim üçün çox sevindirici haldır. O torpaqlar uğrunda canından keçən əziz şəhidlərimiz, sağlamlığını itirən qazilərimiz sayəsində biz bu qürurlu günləri yaşayırıq. İndi şəhidlərimizin də ruhu şaddır ki, onların azadlığı uğrunda canlarından keçdiyi torpaqlar azaddır”.
S.Süleymanova
