18.01.2024, 07:42 319
- Bu gün ailəmlə birlikdə öz doğma yurdumuza qayıdırıq. Füzulidən çıxmağa məcbur olanda 16 yaşım var idi. Hazırda isə 47 yaşında uşaqlığımın və gəncliyimin keçdiyi doğma yerlərə getdiyim üçün sevincli və bir o qədər də həyəcanlıyam.
Bu sözləri Füzuliyə qayıdan keçmiş məcburi köçkün Habil İbrahimov söyləyib.
O, torpaqlarımızı işğaldan qurtaran Azərbaycan Ordusuna minnətdarlıqlarını bildirib, bu yolda canlarından keçən şəhidlərimizə rəhmət, diləyib.
H. İbrahimov istər məcburi köçkünlük zamanında, istərsə də indi dövlətin diqqət və qayğısı ilə əhatə olunduqlarını bildirib.
O, Bakıda Xəzər rayonu Binə qəsəbəsində məskunlaşdıqlarını vurğulayıb. (AZƏRTAC)
